වර්තමාන ලෝකයේ තාක්ෂණික දියුණුව සමඟ වර්තමාන සමාජය බොහෝ ලෙස නාගරීකරණය වී ඇති බව දකින්නට ලැබේ. එම තාක්ෂණික දියුණුවත් සමඟ සමාජයේ පංච කාමයන් පිළිබඳවම යොමුවීමේ යාන්ත්‍රණයක් ගොඩනැගී ඇත්තා වාගේම ලෞකික ජීවිතයක් ගෙවන පින්වත් ගිහි පිරිස අධ්‍යාපනික සහ රැකී රක්ෂා කටයුතු ආදී යුතුකම් වගකීම් රැසකට හිරවුණ ස්වභාවයක් ඇති නමුත් බොහෝ ප්‍රඥාවන්ත පිරිස ඒ අතර වාරයේ සැබෑ නිදහස ලබා ගැනීම පිණිස ද උත්සුක වන බව අප සෙවොම දන්නා කරුණකි.

අවාසනාවට කරුණ නම්, වර්තමානයේ එබඳු සැබෑ නිදහස යථාර්ථයක් කරගන්නට අවශ්‍ය බාහිර ප්‍රත්‍ය පරිසරය නැති කමයි. එම අඩුව සපුරාලමින් උතුම් නිදහස නිවීම උදෙසා දවසක් දෙකක්, සතියක් හෝ පූර්ණ කාලීන වශයෙන් භාවනා යෝග වැඩීමට අවශ්‍ය නේවාසික පහසුකම් ප්‍රත්‍ය පරිසරය උදා කර දීම අරමුණු කොට ගෙන, ගොඩනැගීමට නියමිත සදහම් සමාධි මන්දිරය.

දස්සනේන පහාතබ්බ, භාවනා පහාතබ්බ කොටස් පූර්’ණය කරගන්නට භික්ෂු, භික්ෂුණී, උපාසක, උපාසිකා යන සිව්වනක් පිරිස උදෙසාම වෙන්වනු ඇති බව සතුටින් සඳහන් කරමු. සම්බුද්ධ ශාසනය යළි පුබුදුවා ලීම අත්‍යාවශ්‍ය මොහොතක ඉදිවීමට නියමිත සදහම් සමාධි මන්දිරය සඳහා පින්වත් ඔබත් හැකි ඕනෑම අයුරකින් සහසම්බන්ධ වී අප්‍රමාණ පින් උනන උල්පතකට මග පාදා ගනිත්වා. මෙලොව, පරලොව, නිවන යන තුන් අභිවෘද්ධිය ලබා ගනිත්වා.